എടത്തല
ഗ്രാമ പഞ്ചായത്ത്

ലഹരിക്കെതിരായ ശക്തമായ സാമൂഹിക പ്രതിരോധത്തിന്റെ ഭാഗമായി “ഓപ്പറേഷൻ തൂഫാൻ – ദി നാർക്കോ ഹണ്ട്” എന്ന സന്ദേശവുമായി എടത്തല ഗ്രാമപഞ്ചായത്തിന്റെ നേതൃത്വത്തിൽ ബോധവത്കരണ പരിപാടികൾ സംഘടിപ്പിക്കുന്നു. വിദ്യാർത്ഥികൾ, അധ്യാപകർ, ജനപ്രതിനിധികൾ, ഉദ്യോഗസ്ഥർ, സാമൂഹിക പ്രവർത്തകർ, രക്ഷിതാക്കൾ, പൊതുജനങ്ങൾ തുടങ്ങി സമൂഹത്തിന്റെ വിവിധ വിഭാഗങ്ങളെ അണിനിരത്തി ലഹരിക്കെതിരായ കൂട്ടായ്മ ശക്തിപ്പെടുത്തുകയാണ് ഈ പ്രവർത്തനങ്ങളുടെ ലക്ഷ്യം.

ലഹരി ഉപയോഗത്തിന്റെ ദോഷഫലങ്ങളെക്കുറിച്ച് സമൂഹത്തിൽ അവബോധം സൃഷ്ടിക്കുകയും, പ്രത്യേകിച്ച് കുട്ടികളെയും യുവതലമുറയെയും ലഹരിയുടെ അപകടങ്ങളിൽ നിന്ന് സംരക്ഷിക്കുകയും ചെയ്യുക എന്നതാണ് ഓപ്പറേഷൻ തൂഫാൻ മുന്നോട്ടുവെക്കുന്ന പ്രധാന സന്ദേശം.